يا خردات ناطحنى ضحى العيد === ما هن عن غزلان الافلاج ببعيد

من هن قال امورد الخد والجيد === إشتر جمال اليوسفى قلت انابيش

قالت تكلم قلت بالروح والحال === وابكل ما تملك يمينى من المال

وبكل ما يرضيك يا طيب الفال === تبيع يا صافى البها قال لى بيش

ومنهن قال امورد الخد يا شيت === دش الغرام وسر معانا إلى البيت

فاستانست روحى للآحباب واشفيت === باغى امواصل لابسات البرابيش

قالت لدايات لها من ورا الباب === هو ذا المولع في هوى تلع الارقاب

قالن نعم يا سيد غضات الاشباب === واقفيت قالوا يا اصبى قلت انا ويش

قالوا تعال ان كنت للزين طالب === إشتر اقماش ما ظهر للمجالب

تراك يا شاريه بالفين غالب === مدلول مغسول اللمى ساظع الريش

أقفن وشديت الشبك والعشارق === شفق على لاما الخليل المفارق

يقول لى سلطان خن المفارج === خل الشبك واقضب امتان العكاريش

شديت مقذوله وهزيت ريشه === وكشفت عن صافى الجبين الكريشه

يوم التقت فرسان جيشى وجيشه === راحت على جيشه تغنى شولبيش

قلت المواصل فال ما في يدى حيل === مما تبى وامهل علينا إلى الليل

قلت الرهانه قال دوك المفاتيل === الطوق والمفرك ولياك تطريش

وقفت عنده ساعة قال اساليك === باللى عن اسباب المنايا يعديك

من مولع به ؟ قلت انا مولع فيك === أعضى ولجلج بالعيون المداهيش

عفرت به في ماقفه قال لياك === تفضح محب عقبما فرح بلقاك

قلت ان قصدى رشفة من ثناياك === والحروة انى عاد من الغير ما بيش

مرسول قل له من محب جوابه === ولا يسمعك من كان جرح الهوى به

فانه إذا ما سد للواش بابه === ثم انشده يا طارشى هو يمنِّيش

أعفر امتركا عنه مانيب سالى === ريجه كما در الحليب العسالى

حلفت ما يمشى على اخذ الرجالى === أحب واغلا منك يابو عكاريش

أغفر زارنى في مجيلى === متغطرف كنه اظبى السليلى

ياغصن تفاح بحمله يميلى === فتشت في ذا القلب بيديك تفتيش

أعفر امتركا هسته في ذراعه === قوف الردوف امجدله فرق باعه

واسعد أبو من عانقه كل ساعه === يشرب من الغر الثناي المباهيش

أعفر امتركا رارانا ثم شفناه === كن القمر متشعشع من امحياه

ريجه عسل الشفايا رشفناه === درب علينا والردى فيه توحيش

أقفا يدور خاتمه في مداسه === وأثر انقطع رمانه من الباسه

يازارع زرع الحشا ثم داسه === هب الهوى لمنسلات العكاريش

ألله يلوم المحبين === خص جوا كلهم مستشبِّين

ولاهم من طرق السفاهة مغبين === وارواحهم راحت دقاق دقاريش

هنيهم عقب الفراق ان تلاقوا === من سلسبيل ارياحهم جد تساقوا

فيلا ارجهنوا عقب خمر وفاقوا === فحب فتلميس بالايادى وتفتيش

هلت ادموعى ثم زاد انزعاجه === شفج على طفل المها بالمواجه

واقفن عنى ما تقضيت حاجه === والهقوة انى عقب الاطفال ماعيش

الافلاج = اسم موضع ,,,,, بيش = على كم ,,,,, ياشيت = يافلان ,,,, دقي = ادخل

البرابيش = الحلى التى تعقص بجدايل المرأة ,,,,, اللما = الريق ,,,,

المفاتيل والطوق والمفرق = حلى ذهبية خاصة بالمرأة ,,,,,,

العكاريش = الجدايل ,,,, دقاريش = صغار ,,, ارجهنوا = هدؤ , استكنوا ,