قال الذي يكتب عذيات الأمثال ==في طلع  قرطاس تهيض بها البال

تبقى مع التاريخ مع كل الأجيال === واللي مهيضنى بوضح معانيه

ذكرى من التاريخ واخبار الأخيار === لملوكنا آل سعود وافين الأشبار

هل كلمة التوحيد حماية الجار === تاريخهم يشهد بحاضر وماضيه

يوم الوطن رمز الكرم والشهامة === وامجاد لأهل الجود واهل الزعامه

وافراح باليوم الوطني علامه === تفرح الي جانا مجاله ونغليه

يوم يذكرنا سلفنا والأمجاد === واثبات ذكريات اهدافها بعاد

تبقى مع التاريخ صفحاتها جداد === في كل عام يوم نفخر بطاريه

يوم يذكرنا يضد العوادى === عبدالعزيز الليث صقر البلاد

حر الحرار الضاريه بالهداد === تحت امر ابو تركي حرار تباريه

يوم الفتوح اللي به الجوع والخوف === عبدالعزيز مؤسس المجد معروف

أعاد ملك اجداده وكون صفوف === حول اربعين الرجل من بين اياديه

واستبشرت به مملكتنا الحبيبة === وفازت به الدنيا بعيد وقريبه

واللي عرفنا عنه لازم نجيبه === ونوضحه لي جا مجاله ونرويه

ومحمد المغوار نعم العضيد ... === عضيد ابو تركي على مايريد

قاموا لملك اجدادهم من جديد === واسترجعوه من الذي طامع فيه

عبدالرحمن ارّث صقور الهدادى === نصر الضعيف ويقهرون المعادى

مثل المطر غيث حدر كل واد === بأمن ورخا كل رعى عشب واديه

مرحوم يامن خلف المجد مرحوم === عبدالعزيز الصقر الأول ومفهوم

من عهد اخو نوره الي عهدنا اليوم === وعيال ابو تركى تجدد مساعيه

صفى الجزيرة ثم قدم لها سعود === ابو فهد من صفحة المجد ما جود

واخوانه عضوده هل العز والجود === والكل منهم بالوفا دون عانيه

تاج الحكم فيصل بعهده تولاه === هو صاحب النهضة رفع صرح مبناه

دعا التضامن للعروبة ورساه === تضامن الاسلام فيصل مرسيه

واليوم خالد بالجزيرة حكمنا === وعن كل شيطان مريد حصنا

يسعى للأمة بالعدل ماتونا === وموفقه ربي لما كان يرضيه

وفهد وعبدالله لخالد عضود === الله يديم ملوكنا في الوجود

والاسرة آل سعود . شعب السعودي === بأمن ورخا عم الوطن في متانيه

والفضل لله ثم لطام الاشرار === عبدالعزيز مؤسس المجد والكار

الراحل المرحوم عز وتذكار === يشهد له التاريخ الأول وتاليه

أسس لنا تاريح مضاي الافعال === الحق يمشي به وبالعدل ما مال

خذ الحكم بالراي والسيف وارجال === شعب الجزيرة رافعه في نواحيه