مبداي بسم الله وهو خير معبود === قبل الكلام ويتضح كل مقصود

يامرحبا يامنبت الجود والوفا === عبد الرحمن بن عبد الله فتى الجود

قدوم ابوفيصل لنا في بلادنا === فرحة كبيره تشمل الطفل والعود
حر ولد حر قدومه لنا شرف === يامرحبا به عدما زعزع النود

وعداد من لبى ومن طاف بالحرم === وعداد ما في السحب من برق ورعود

شرف بلدنا شرف الله مقامه === باسم الحريق وكل من فيه ما جود

وادي الحريق وكل من فيه سكان === وخشم البكر حياه وجباله السود

دعاه ابو ناصر وحنا لنا الشرف === الي زارنا شرواه حنا له جنود

من جود ابونا ناصر ومثله في البلد === نجود للي من هل الجود معدود

بالجود كل يعرفه قبل نمدحه === معروف ابو فيصل على المدح والزود

سمي على جده معرب سلايله === وابوه عبد الله فهود من فهود

ماهو غريب منه والجود منبته === من لابةٍ ظفران من جد وجدود

اهل الشهامة والعدالة مع الكرم === تاريخهم في صفحة المجد مشهود

هل كلمة التوحيد كسابة الثنا والله === وخلق  الله على ذلك شهود

حكامنا بالعدل في ظل حكمهم === عشنا بأمان وعز وسهود ومهود

من وقت ابو تركي عسى الله يرحمه === عساه جنه مع الحور بخلود

عبد العزيز مؤسس الحكم بالعدل === مرحوم يا حر لنا خلف اسود

والعاهل الفيصل لنا يرفع البنا === يسهر يخدم الشعب والعالم رقود

أسد الي اقبل وحر الى شهر === وموفق في كل مصدر ومورود

كريم الي عطا وشهم الى اعتزا === والي بدا بالراي ماهوب مردود

بالعدل والتوحيد والعز والفكر === فيصل زمام الحكم واخوانه عضود

لي صعبت القالات فهم رجالها === في مقدم البريق الي ثار بارود

الله ينصرهم ويخذل عدوهم === إذا لهم عدوان والضد مضدود

هذا ولايذكر عدولهم ظهر === وفي خدمة الاسلام يمشون بركود

الحق بعطونه ومن دون حقهم === بالعدل والانصاف قاموا له حدود

هم بدر الارض ونورها كل ما اظلمت === جلو ظلام الظلم عن كل مضهود

مثل الكواكب في الدجا يهتدى بهم === ميزان عدل وسيف للحق مجرود

ومثل الجبال الراسيه ما يهزها === نسناس بعض الناس من كل مقرود

لو ما مدحناهم لهم تشهد الملا === ويشهد لهم تاريخهم ليس مجحود

أفعالهم تشهد لهم لو نعدها === نعجز وهذا بالتواريخ معدود

حكامنا بالمملكة نفتخر بهم === عند الشدايد هم ذرا كل محسود

ذخر لنا كالدرع والله ربنا === والشعب في نعمه ولا عنه منشود

وختامها صلوا عاى سيد الورى === محمد المختار بالوحي ممدود