يالله يا عالم خفيات الاسرار === يامنشي سحب تهامل مطرها

يامنجي ذا النون من عمق الأبحار === في بطن حوته مخرجه من بحرها

يامرجع ليعقوب يوسف والابصار === أبصر نظيره عقب فقده بصرها

وايوب من بلواه عبدك ومحتار === محتار من بلوى شديد سهرها

جليت عنه الكرب ياخير غفار === يا من الي كبرت ذنوبٍ غفرها

إنصر هل التوحيد اللي له انصار === يا جاعل كيد العدا في نحرها

واحفظ لنا خالد على الحق مغوار === سقم العدا وإن ساعد الله كسرها

خالد ملكنا القايد الرايد البار === والمسلمين اليوم ربى نصرها

في عهد أبو بندر تفتح لنا انظار === بالعلم هو نور الحياة وسفرها

من منبع الاسلام توضي لنا انوار === وهي الدلايل في الحياة لبشرها

عبدالعزيز وفيصل ملوك ندار === عمق اللحود ونفتخر من فخرها

عبدالعزيز مؤسس الحكم بافكار === وارث ملوك في محله بذرها

وفيصل بنى التاريخ بالعدل ما جار === فادى بنفسه لأمته ما ذخرها

هو صاحب النهضة على نهج الابرار === جدد لنا الدنيا وصفى كدرها

واليوم خالد مثل فيصل كما صار === ليث الجزيرة بالكرامة عمرها

وفهد ولي العهد لطام الاشرار === زين الضعيف وكل الاعداء قهرها

والنايب الثاني على السر واجهار === عضد الملوك واللي بعيد نصرها

شهم كريم في المهمات جبار === واللي هفا به هفوة ما قصرها

وللأسرة آل سعود وافين الاشبار === سلة حرار من عرفها ذخرها

هم ذخرنا هم درعنا ما به انكار === اهل العدالة غيرهم ما قدرها

حكامنا اللي تكرم الضيف والجار === في صفحة التاريخ ينشر خبرها

قريت بالمنشور وسمعت الاخبار === عدة مراسيم ملكنا نشرها

تشمل جميع الشعب بالخير عمار === وتخص من هو سنة الله عبرها

واطلق مساجين مداين الاعسار === سدد مطالبهم وهلْها عذرها

وايضا الغريب اللي تغرب عن الدار === يرجع لها وابن الوطن ما غدرها

اعي الوطن لو هو وراء الطور ما بار === يذكر بلاد عايش في صحرها

الله يعز الدين في كل الاقطار === والمملكة من عاش فيها ذكرها

دار الشهامة والكرم دار الاخيار === حكام نجد ما تدانى نظرها

المملكة ما مثل اهلها ولا صار === مثل آل سعود لبدوها مع حضرها

الشعب كله بالفيافى والابحار=== يرعى رخا من بطن الارض وظهرها

بالأمن واطمئنان والعز والكار === صفت لنا الدنيا ونور قمرها