بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

وسج ولج في جاش المشقا واجتول دندان === كما دندان الانجرلين دنو بنها فيها

أنا اللي هاضني عمي بعلمه يوم سده بان === يواعدني بمطراش الركايب وانتوي فيها

ويحْسَب رزقنا فيها وغيره ما لنا ميدان === وربي كاتب الرزق والعازات يقضيها

كريم يرزق المخلوق ويعلم خافي وما بان === ويعلم بالسراير كلها باللي لجا فيها

ولا خير بدنيا كل ما منها نزل طيفان === ترى العراق ميزها من اولها وتاليها

ومن طاوع لضعف النفس هس وينكتب عدمان === تجنبه المراجل والرذيلة ينبسط فيها

بعز النفس مادامت عزيزة تشقح الجرفان === وبهين النفس في شفي أنا ما دمت بازيها

ألا يا رجل روجي عن مقعد الحقران === والي بان الجفالك خلي الديرة لهاليها

عسى صبي يروم المرجلة ما حسب الخسران === عسى يمناه تبذل دايم والرب يعطيها