بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

ليلة يجينا السيل يازيد وافيت === موضى الجبين وسيد تلعات الاعناق

شميت ريح امجدلاته ومزيت === ضواحك ما قبلى احد لها ذاق

جلست أنا وياه في ربعة البيت === سقوى انتساقا بيننا خمر الارياق

وسقانى الخمر المصفى وثنيت === خمر وانا اسقيته حليب وترياق

يوم ارجهن اصويحبى وارجهنيت === والكل منا عقب خمر الهوى فاق

فهقت راسه بالجدايل وحبيب === ورد على خده كما صفح الاوراق

رفعت راسى للكواكب وراعيت === ويلا ان نور الصبح باد بالافلاق

بغيت اقوم وشد ردنى وشديت === جيده وحبيته ثمان على ساق

وحلف على ان قمت من ذا وشديت === إلا انت معطينى عهود وميثاق

إنك اتعود لى الا لى منك اقفيت === ولا لغيرى من هوى البيض تشتاق

واقسمت له بآيات عما وبالبيت === والمدعى واللى بنى سبع الاطباق

إنى فلا غيرك من البيض هاويت === ولا لغيرك من هوى البيض مشتاق

انا الذى من حر فرقاك فريت === أنوح كالبهلول في وسط الاسواق

ياما طلبت الله وياما تمنيت === وياما دعيته عند حزاة الاشراق

وياما دعيته في المساجد وصليت === وياما شحذت الله قسام الارزاق

يبنى لخلى من اجنان العلا بيت === ومن الثمر نقطف ثمر كلما لاق

عسى إلى رق البكا واستمريت === منقشات الريش زينات الاطواق

واستانست روحى لروحه ودشيت === سوقه ووافق مرتى حين ما واق

قلت المواصل قال ماغيره اشفيت === قلت السلام ورد مثله ولا عاق

قالت رجينا الله يجيبك إلى جيت === عذب النبا الغالي مراشيف الارياق

هو انت طالبنى تبى شى وعييت === يا من هواه المهتوى خاطرى شاق

تبغى الدبش قلت الدبش عندنا هيت === والله مالى غير لا ماك علاق

ترى الشفات إلى لفاك النبا إيت === ساعة يقيف السوق عن كل مراق

لو ما عليك احد من الناس دزيت === فانت إيت لازم قبل غيبات الاشفاق

قلت ارجى ان الله يديمك وحبيت === عذب النبا الغالى مراشيف الارياق

ومبكى من الفرقا جميع وياليت === من لام فرقا سيد حم الشفا لاق

يالموت ما أخذت أربعميه وخليت === خلى فلا ظنى بمثله حدٍ ساق

يالموت عقب اقويت لى ويش خليت === ماعقب عثمانه من البيض ابا شتاق

يا زيد انا كد لى زمانين ما ريت === خل سوى خلى إلى جيت له ماق

إن كان روح الحى مع تسعى مع الميت === فانا الذى مع ريح ريحان الاشواق

يا ما سعت روحى مع الريح لقويت === بازكا سلام عم بالطيب الآفاق

ارجهن = هدأ ,,,,, فهقت = رفعت رأسه ,,,, إيت = تعال ,,,, السوق = بلغة اهل نجد هو الطريق

 دزيت = أرسلت ,,,,, كد = قد ,,,, ماق = تاق , طغى