بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

قال الذي يازن جوابه بمعيار === ما يختلف وزن الشعر عند راعيه

الشعر له وزن وقيمه ومقدار === عند الأديب اللي يسيس معانيه

ويفصل المعنى تفاصيل بأفكار .. === يازن جوابه قبل للناس يبديه

ماكل من غاص البحر جاب محار.. === بحر الهوى عسر على اللي يصاليه

من قال أنا شاطر تعداه شطار === راع الكبر نفسه ثغره وتغويه

وترى الطمع يرمى براعيه الاخطار === كم واحد نفسه على الموت ترميه

من غرته دنياه والوقت غدار === لو كان تضحك له تعود تبكيه

تسقيه من كاس الحلا كاس الامرار=== نكد النكد كل على الطول تكويه

والحر ينهض موكر العزلي طار=== الموجب إن الحر يتبع مماشيه

سبحان رب عالم كل الاسرار === يعلم سرايرنا  وما كان تخفيه

الحق لي صابك فلا فيه معذار === كثر الحكي والهرج ما فاد راعيه

الحق مثل الشمس ما دونها ستار === نور القمر ما احد بردنه يغطيه

والطيب يبقى بالتواريخ تذكار === لو مات راعي الطيب ما مات طاريه

وساس الشرف يبنى على العز والكار === والطيب يا هل الطيب تبقى مبانيه

الله خلق للمودمي قلب وابصار === فكره يدله والملايك تباريه