بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

يا طارشٍ  لاهنت دن الرسالة === فيها سلام  للجماعه وترحيب

سلم عليهم بالرضا والسهاله === سلام أحلى من لذيذ المشاريب

كل سلامه له يخصه لحاله === من خاطر مافيه  شك ولا  ريب

سلم على اللي كاسبين الشكاله === أهل الحريق اللي على العز والطيب

الكل منهم وافيات حباله === عز من الله والمراجل مواهيب

للضيف يفدي له بحاله وماله === مايتقى  ينطح وجيه المواجيب

وضعيفهم لي طاح كل عنا له === شالوه ربعه بينهم بالمواريب

هم درعه الضافى وهم راس ماله === ربعه يشيلونه بليا مناديب

الرجل قوله ليتكلم عقاله === يوزن جوابه ما يجي به عذاريب

وان جا نهار فيه عدل ومياله === ربعي هل الطولات واهل المكاسيب

كم واحد عادوه وفاخت زواله === خلوه مطروح لعكف المخاليب

راع الحريق اللي يذري ظلاله === اهل الحميه لي عوى الذيب للذيب

يشهد لهم راع المثل في مقاله === ابن رشيد عبيد ريف المراكيب

اد  وحقوق الجار يوم الجماله === وتاريخهم يشهد لهم في المكاتب

الله يسقى دارهم من خياله === دار الشرف والمجد والعز والطيب