بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

سلام الله على اللي حاش كل المرجلة والجود === أقوله للشجاع اللي رفيع العز منزاله

ابن جدوع راشد بين فعله عليه شهود === عطاه الله ولا قصر بذل حاله مع امواله

بلاده تفتخر به دامه حي لها ما جود === عسى ربي يكثر مثل ابن جدوع وامثاله

حقيقه ولع الكهرب لحاله وبذل المجهود === نعام وديرته واهل المفيجر كل اقباله

أبو ناصر تقي العرض دايم  مايجي منقود === عزيز من عزيز دايم العز يبرى له

ابن جدوع راشد في المراجل دايم معدود === هو اللي ماخذ الطايلة من جده وخاله

عسى الله يرحم امواته ويبطي بيومه الماعود === أحب الطيب اللي ديرته دايمٍ على باله

شجاع شجع بلاده ولا جاه الكبر والزود === انا مانيب اشجع واحد ما بانت افعاله

كثير الناس تجار ولكن ماوراهم فود === ابن جدوع راشد بالمراجل درب اعياله

ترى بعض العرب ماهو مبكى ولا مفقود === ولكن مثل ابن جدوع بفعله خله لحاله

معه حلم وكرم والطيب ورث جد وابعد جدود === على كل المراجل وافي شبره ومكياله

جماعتنا يحبونه جميع شابهم والعود === على عز وشرف في ديرته ما قصر بماله

من اللي شجع الديرة وخلاها زهر وورود === فرض شخصيته بالعز ورب البيت هياله

أخذ سمعة شرف والدين وعز وبلغ المقصود === عسى كل السعادة من ولى العرش تهياله

اختمها بذكر الله عدد ما لاج برق رعود === على محمد شفيع الخلق وربي وضح أعماله