بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

سلام يارجال تربوا بالافلاج === دار الكرم والعز والطيب والدين

شفنا الكرم بالعين ما عاد يحتاج === من أهل البلاد وعند كل العجالين

عز الله ان الضيف ما هو بمحتاج === كل الدواسر بالمراجل مربين

نعم الشيوخ اللي على الديرة سراج === ناس يعرفون الكرم والقوانين

تلقى الفرح والطيب مع كل الافواج === من جد جد وارثينه من سنين

اولاد زايد عد ماهوب رجراج === أهل الحمية والظفر في الميادين

تاريخهم يشهد على كل منهاج === عز وكرم مع كل الأفعال ذربين

وعدوهم وقت اللقاء ماله علاج === وافعالهم تشهد لهم في الدواوين

ليصاح صياح به احراج وازعاج === فاولاد زايد ينطحون المعادين

ولي كبرت القالة ولا فيه مخراج === إستنجد  ابن حزام في العسر واللين

وثلاب له في موقف العز معراج === درع الظفر والعز عيال العجالين

ليمن ذكرت أفعال مرضي وفلاج === وعبدالله المشهور عند السلاطين

بني شنار اللي لهم فعل وانتاج === اللي لهم عند المواقف عناوين

فكوا حسب يوم الموقف بها احراج === عدوا مع الستين للقصر ساطين

بقيادة المرحوم لطام الامواج === عبدالعزبز اللي سطا وانصر الدين

يالله يالمطلوب يا رب الافراج === تسقى غروس عندهم والبساتين

وصلوا عدد ما طاف بالبيت حجاج === صلوا على المختار وحنا مصلين