بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

أعفر متركا زرته من قبل أمس === تسوى جميع البيض لوكلهن عنس

له غرة لا نور بدر ولا شمس === سبحان خالق نورها الحمد لله

أعفر متركا كنه البدر طالع === خيله الخيل اهل الهوى بى تطالع

فيلا تقلل. ملبس هم طالع === بالمنع يدعينا على الرغم جيناه

أعفر متركا كن خديه جوهر=== سيد العذارى في جماله تجوهر

الله ياهذا  متى ما تجوهر === يا ما لقى من طالب الغى ما احياه

أعفر متركا والذهب فيه لولو == تسوا  منازله الحسا واته الحسا والطلولو

لو بالمنى خير تمنيت === ولولا حراريسه تمخليت وياه

أعفر  متركا  كن واضح اعذابه === دق البرد هل الضحى من سحابه

الله لحد قلبى غدا واسفا به === من غير دل رحت انا اطلبهم اياه

أعفر متركا كن نور خده === كن البروق ابعرش مثناة خده

ويلا تبين لى لعج نور خده === عمس الطبيب وضاع رأيى ولا اقواه

أمس نطحتى هو وخمس معه حور === نور النهار إلى تبين لهن نور

قالن من احسنا جمال ومنظور === قلت الغضى الترف ما مثل حلياه

كل الطرب والزين حاشه وناله === والملح هو الزين قاده وناله

وننشدك عنا قلت لولا جماله === ميزتكم غير اخلف الرأى حسناه

قالن له لا ياشبه قايد العين === ما احناب من مدحك زعالا وجزعين

من عارضك ما للعرب له امطيعين === لو عشق روحه علمه كل من جاه

كنهم كما وصف البكار العسايف === صف عليهن اتلع الجيد نايف

قالن لى كانك على العمر خايف === منا وقلت العمر واقيه مولاه

ماكنه الى مهرة عند حاكم === مشيه تدنجر لاقناع ولا كم

من فوق ردفه كالجبال امتراكم === ساف على ساف إلى نشر غطاه

قالوا تبى شن تأكله قلت ما طيق === قالوا إلبين تشربه قلت أبي ريق

قالوا كفاك الله هذا بنا ضيف === كودك تبى هاك الغرض قلت أبا اياه

قالن والله ما لنا عن ذباحك === ولو تهوّلوا كل الملا من صياحك

إلا ومع هذا تروح ونتضاحك === ولا انت باول واحد جد ذبحناه

قمت اطلب العفه وصلاح العواتق === بلهت واثرا العمر غالى ونافق

لى قال صافى الخد ويش انت عاشق === فينا وقال الهقوة أنا رحمناه

قالت لهن عن الفتى لا تغطن === خلوه فيكم يفتكر ويتفطن

رمن عنهم بالمقانع وحطن === ذوايب كالعصم منا ومناه

قالت لهن من ما ثناياكم اسقوه === دور سقيته سبعة ادوار اشراه

قالن ياصافى الجبين الغنيمة === نشقيه من شانك بليا حريمة

قالن لى اقلط ما لنا عنك شيمه === واللى حذاك ولو بغا ما سقيناه

وقفت حاير بين هذى وهاذيك === قالن أخذ منا دام مولاك معطيك

شفك من ارياق الخراعيب نسقيك === قالن مجمول الحلا  لا تعداه

دنق على ومن عسل مبسمه اخذت === خمس معا خمس تقا فن معا ست

لولاى في حد الخطر خذتهن مت === عينتني طوابى السقم لولاه

قالن يوم اقفيت واسعد عينك === جا بيننا درب المحبة وبينك

درب السعد منا تقضيت دينك === والحمد للى كلما راد سواه

أصبحت عقب الياس فينا بشاشة === والقلب فز وراف عقب الخشاشة

يا طال مانى مثل مغدى اقماشه === مالى جواب غير واوايل ويلاه

من يوم لاقانى خليلى معه خمس === ولى تخطى بينهم كنه الشمس

نشدتهم من ذا ؟ قالن لى الطمس === هذا عذاب اهل القلب المشقاه

هو قط جسمك ناحل من افراقه === هوجس رنين الحجل في عرض ساقه

قلت إيه يامن كان للقلب شاقه === حبك بلاجى الروح شيدت مبناه

جنى كما وصف البكار العسايف === ما فوقهن إلا اتلع الجيد نايف

قلن لى كنك على العمر خايف === منا وقلت العمر واقيه مولاه

شيدت قصر بين الاضلاع نايف === يا نافل بالزين شمر العكارف

وشبهت صافى خد نابى الردايف === بدر ظهر خمسة عشر يوم شفناه

اهلا هلا يالغضي كلما جيت === من لب قلبي يا ريش العين حييت

سبب صواب القلب لى قال مسيت === بالخير ياذا قلت أنا ميت برضاه

تمخليت = اختليت به ,,,,, دل = من الدلال ,,,,, لَعَجَ = لمع  ,,,,, الملح = الملاّحة خفة الروح

مير = لكن ,,,,, تدنجر =خيلاء , هويناء ,,,,, لبين = تصغير لبن ,,,, كودك = يمكن , يمكنك

حذاك = بالقرب منك ,,,,, دنق = تقدم وقصد ,,,, مغدي = امضيع ,,,, الحجل = الخلخال ,,,, العكاريف = الجدايل