بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

سار القلم يكتب وانا املي على القلم  === والصدر بالأفكار هجج دوالبه

مستبشر بالنصر من الله للعرب .. === والحمد للمعبود منشي سحايبه

دار الفلك بالمجد والعز والثنا .. === لابنا العرب والعد وهجت ركايبه

تضامن الاسلام فرصه سعيده === تمت بجمع الشمل فرصه مناسبه

رغم على العدوان صار التضامن === من مشرق الدنيا الى اقصى مضاربه

فرصه سعيده والعقيده عمودها === للمسلمين وفرصة العدو سايبه

ابناء العرب والمسلمين استعدوا === صاروا وحده على الحق قاطبه

كل العرب تكاتفوا بالتعاون === لأجل فلسطين الحبيب وحبايبه

لابد ما ترجع فلسطين للعرب === وعدوها الغدار تفشل نهايته

عمل لغير الله لا شك باطل === وابناء العرب في الحرب لا شك داربه

والحق حق وصاحب الغدر زايل === مهما يدور به الدهر في مناكبه

وروح المحبة في العرب ولغتهم .. === كل حمل حْمل التعاون وساربه

في صفحة التاريخ لابنا العروبة === فعل على وضح النقى ما تجانبه

قصرت في مدح العرب والحقيقه === هذا قليل من كثير يشار به

المدح ماينفع بليا فعايل === واجدادنا تاريخهم في مكاتبه

قاموا جميع ابناء العرب في حقوقهم === والله كريم ينصر اللي يراقبه

الله ينصرهم ويخذل عدوهم === ويطهر ديار العرب من غصابيه

القدس وما يشمل فلسطين للعرب === ماهوب للعدوان بالغصب سالبه

الغاشم الغدار يرجع عن الخطا === والمسلمين اخوه وبالحق غالبه

كان العرب متفرقين الضماير === ويلعب بهم عدوهم في دعايبه

واليوم شدوا حيلهم بالتضامن === وكبودهم من سطوة العدو ذايبة

جمعهم الله ثم - فيصل - عضيدهم === رايه سديد وكمل الله وهايبه

في مجلس الاسلام دعا التضامن === وتوحد واكل العرب من سبايبه

تضامن الاسلام من طيب حضهم === ما دام نية العدو خايبه

والى اجتمع شمل العرب هابت العدا === والكفر مخذول ومبانيه عايبه

ومن كان من حزب الله الله بعونه === وما دافع الله عنه ماهوب صايبه

فيصل فصل بالحق والحق واضح === شيخ الجزيرة بان فعله وفاز به

راع الفعل يفعل والاجيال تمدحه === في صفحة التاريخ فعله يشاد به

سلام ياحر الحزيرة مع العرب === في كل مايلزم للأوطان قام به

فيصل سديد الراي بالقول والفعل === درع الرجال اللي تورخ مضاربه

حر ولد حر شجاع معرب === من صلب اخو نوره وتخشى عطايبه

والى اشتبك عسر المشاكل يحلها === والى ارتكا وقفا العدو منه هايبه

مثل العسل واحلى مع كل صاحب === ومثل الشري والسم للي يحاربه

متمسك بحبال حكم الشريعه === وسنة محمد عنه ما هيب غايبه

دستوره القرآن من حيث ما مشى === نعم بدستوره ونعم بقاضبه

القايد الأعلى لشعبه ولأمته === واخوانه عضوده بصفه وجانبه

والى ندب شعبه سهوم المنايا === بالمال والارواح للموت جالبه

الله يرحم شايب جاب فيصل === الحر خلف حر وابوه جاذبه

ومحمد المعروف بالظفر والكرم === زعيم للفرسان والخيل زاهيه

وخالد ولي العهد بالمجد والوفا === وفهد وزير الداخلية ونايبه

وعبدالله اللي رافع راية الحرس === حرس الوطن حصن الرجال المواظبة

وسلطان وزير الجيش كله وما حوى === دفاع بالهمات تمت تجاربه

وسلمان امير العاصمه يردع الخطا === بالشرع للمخطي ولو من قرايبه

والأسره اللي كلهم نفتخر بهم === أهل الكرم والعز في اعلى مضاربه

ونكتفي بهذا القدر من القصيدة لطولها .