مريت باخشيفات ريم يخوضون === سيل وللقلب المشقا يريفون

من حين ماشافنى ارهاف الثنايا === قامن لى باطراف الاردان يومون

رديت راسى عقبمانى معى === قلن دعونا له إلى جانحي

قلن حية قلت حى المحي === قالن علامك تلتفت قلت مشطون

قالن ترانا ثبت الله مقامك === ننذر على شوفك ونفرح بلامك

واليوم ياعذب السجايا علامك === مسعور في ذا الدار انا قلت مفتون

قالن نسالك بالذى شرف البيت === وبجاه من له في دجا الليل صليت

من به بليت امن الملا؟ قلت بقويت === قالن بليت ابحبها؟ قلت مجنون

قالن لعفرا كنها ظبى لينه === منه اقربى كنك تبى تنشدينه

وارخى له الملثم عسى تقتلينه === قالت إلى منى قتلته تلالون

قالن لها وهى تغطرف من التيه === تمشى على شق والاخرى تمدر

قومى فلك حق علينا ان قتلتيه === و قاموا لقذلتها بالايدي يواسون

جتنى كما بردية الما تخطا === مر تكشف لى ومر تغطا

الى من دعتنى لا اعرف اليا من الطا === دهش ولا ارى ويش هم يقولون

قالن لى الدايات ياهايب الريح === وين انت رايح قلت للبر باسيح

قالن تسيح ابلابسات المطاويح === نجل اللواحظ قلت لوما يعيون

قلت أسالك يانور ورد البساتين === ذا اللى بخدك ناز ولا تفانين

قلت رقيمات الهوى يامسيكين === لتلافكم هذا أهلنا يسوون

ولستا بالعيون الذوابح === وامجدل من فوق الامتان سابح

وشديت مفرق سيد غر المذابح === وهم على قطر من الما يشوفون

قلت المواصل قال مالك شفيفه === واضفى على اثياب شفه رهيفه

قلت اسقنى من اشفتيك النظيفة === لعل حسادى بغل يموتون

أقعد رعاك الله ربى وثبتك === يانور عينى لا تغير محبتك

نخاف من شى يجينا بسبتك === غديت اقول ودايتينه ينادون

واقفيت واقفا والمدامع تجارى === واصيح وانخا من صديق وجارى

ياحصة ما قلبوها التجارى === ما ترحمون وقالن البيض مالون ؟

نراك يا محسن إذا شفت طماع === ذا البز لا يشرى ولا هوب ينباع

تكوسرت عنى مها الريم بقناع === قلن تود اوصالنا قلت ممنون !!

أضفا الغطا عنى على حم الأشفا === من عقب ما قلبى بوصله قد اشفا

تليت ردن الشوق من عقب ما اقفا === قلت المواصل ياريش العين ما دون

خليت أنا القصه وشديت جيده === حبارة منى لعلى أصيده

أطرق بضحك وجادنى قبل اجيده === وارخى اللثام وباح لى كل مكنون

واللى خلق لمجد لك والمقصص === وحرز على مصقول صدرك امفصص

يا انت من بد الغذارى مخصص === ما افضى بسدك للقرب لو يموتون

قلن لى اقعد عندنا قلت ما عاد === ما ارضى معا العكاريش مقعاد

واليوم يارحم المراشيف ما عاد === عطشان ما من عذب الأنياب تسقون

قالن لى شرواك يا بارد الجاش === لو عطش مامن شهد الانياب نسقاش

قلت ان قلبى من الوجد نشناش === باغ منكم من لما فيه تعطون

قلن لعيناك الرضا والغنمه === اجيك الى شفت الحساسيد نيمه

والا العجايز ناقلات النميمه === بحكايتى واياك ياشيخ يدرون

قالن نعيي لا نذوقك لامانا === نخاف من واش قريب حذانا

نقول ذا والا فحنا ورانا === حكي خفي ماله الناس يدرون

ويلا عجوز من ورا راس حامي === قالت لهن يالبيض معكن حرامي

قالن لها هذا علينا يحامي === قلبه مولع مع اهل الدين مفتون

قالت لهن هذا الصبي المولع === تمشن له يالرعابيب دلِّع

وانتن مثل الخيل خطر تقلع === واخوفتي يالبيض للرجل ترنون

قالن لها هذا علينا يداري === واياك والحكي الذي به مدري

ترا ورانا من ينوش الخبارى === ياليت اهلنا عن حكاياك يدرون

قالت لهن هذا عليه التهامه === هذا من القطعه واهل اليمامة

ما ينومن لوم كان يلبس عمامه === لو هو نجى فالعرب به يشكون

يالله يامولاي طالبك خيره === علام شيء ما يورية غيرة

عسى ننوش النايفة والقصيرة === واختامها فان الشياطين بالهون

اخشيفات = اولاد الظباء  ,,,,,,  لينة = مورد ماء ,,,,, تنشدينة = تسألينه ,,,,

القذلة = مقدمة شعر الرأس ,,,,,, اودعتنى = تركتني ,,,,, الدايات = المربيات الخادمات

هايب الريح = كلمة استحثاث على الثأر ,,,, دايتينه = خادمتينه ,,,, شرواك = مثلك ,شكلك

نشناش = حران , عطشان ,,,,,, نعيي = نرفض ,,,,, لامنا = من اللما , الريق

احذانا = بالقرب منا ,,,,, دلع = سافرات ,,,, يداري = يحامي ,,,,, ينوش = يأخذ

ننوش = نحصل ,,,,, النايفة = العالية