بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

حي الجواب اللي بالامثال قدم === ماهوب قول اللي قصار معانيه

حيه عدد ماهل من السحب وارزم === واعداد ما هل المطر من مناشيه

هيضت من هو دلهٍ ما تكلم === ومخلي بحر الشعر ما شرع فيه

هذا ولد ناصر الي قال شن تم === تمم مشاريع البلد نورت فيه

ماله حدود في المراجل ترسم === حتى الضعيف حججه ما زهد فيه

ويرقى على كل المراجل بسلم === ماهوب مثل اللي يخمه ويخطيه

مثل الحصان اللي يسمون الأدهم ===الي جاء سباق الخيل طالت خطاويه

كاس السعاده والسهاله يُسلم === يستاهله راشد عسى الله يهنيه

راعي الحساني مايجي قبر اظلم === قول الله ابلغ كل عالم يطريه

وبلادنا دار لخالٍ وابن عم === هي امنا اللي كل جاهل تربيه

هي امنا تعطي الثدي كل مازم === نفرح بساكنها الي حل طاريه

وصلاة ربي عد من ورد زمزم === واعداد من طاف الحرم له يلبيه

على نبي حكم الشرع واحكم === عداد ماهبت هبايب ذواريه