بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

يامل قلب لي ذكر ما مضى له === جر الونين وسيل الدمع من العين

متأسف من اللي مضى في الجهاله === الله يغفر ذنبنا قولوا آمين

ويا جاهل الدنيا تراها وباله === هي الشقا واحنا بها اللي مشقين

أفكرت في الدنيا على كل حاله === دنياً نغاليها وحنا مقفين

وش عاد لو تلبس ثياب الجماله === وهي تكدر مشرب صافي زين

لا بد من عقب العدالة مياله === دنياً كفى الله شرها طبعها شين

تفرق الخلان بسهل وسهاله === هذي طبايعها على العسر واللين

كم واحد فيها يريد الشكالة === في جيلنا الأول وفي جيل ذالحين

وخانت به أيامه وخلت بداله === ياليتها ماتاخذ الا الرديين

الرابح اللي طيب الله فاله === الي جاء الحساب وقدمن الموازين

لين أحد روه بحال قبره لحاله === حور تهلي به وقبره بساتين

هذاك في خير وكل دعا له === حي على خير وميت بخيرين

وخسران من قبره يشب اشتعاله === يضيق به قبره ويشوف شي شين

خسر حياته كلها عزتا له === معاد به غير العمل والموازين

تمت بذكر اللي عزيز جلاله === مشفى العليل ومغني المساكين