بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

أولاً : قال الشاعر سعد بن عبدالله السنيدي

أبدي بذكر اللي علينا فضايله === الواحد المعبود منشي مخايله

رب جميع الخلق تمشى بدبرته === لا خاب من يرجى وليه وسايله

أبحمده وارجيه واشكر نعمته === اللي خلق خلقه وفرق قبايله

ابحمد اللي رد راشد لديرته === رده إله الكون مبري علايله

من عقب ماسافر يعالج عيونه === باسبانيا يذكر وتذكر رسايله

والقلب عقبه ما ركد ربع ساعه === كنه يصهر فوق حامي ملايله

واليوم بشرنا وسقنا بشايره === بقدوم راشد يوم شرف نزايله

يامرحبا به عدو بل المخيله === سحب على خذٍ رسالت مسايله

يا مرحبا به بين أهاليه واخواته === زود فرح ربعه وفرحت عوايله

يامرحبا به عد من حج بيته === واعداد من هلل وكبر نقايله

يا مرحبا يا الشيخ يا ريف ربعه === عداد المطر والبرق واللي يخايله

يا الشيخ بن جدوع يا مرحبا بك === عد الجراد اللي نهض من مقابله

يامرحبا احلى من الماء على الضما === لي جيت ضميان لحامي قوايله

يا مرحبا تحية الارض للمطر === عقب الدهر جتها المظاهير حايله

حيثك تحب الطيب والطيب فعلك === يمناك تعطى المال والعز طايله

كم واحد مضيوم فكيت كربته === بالمال ما نجحد لراشد فعايله

إلى آخر ما جاء في القصيدة

ثانياً : أجاب الشاعر راشد بن كليب رداً على الشاعر السنيدي فقال :
يا الله يا للي ما تعدد جزايله === يا مدبر الافلاك ريف وكلايله

يا الواحد المعبود يا قايد الرجا === تدلنا درب الرشاد وخصايله

من بعد ذا يا مرحبا والف مرحبا === بالشيخ بن جدوع شرف سلايله

استبشروا به يوم عالج عيونه === والله يديم الخير والشر زايله

هيضني اللي يمدح الشيخ راشد === بابيات منضومات بالنظم هايله
الشاعر اللي خصني بالهديه === بنسخة وشاقتني معاني مثايله

سعد السنيدي قال وانا مسانده === في مدح ابن جدوع تشهد فعايله

مدح على برهان لي جامحا له === والمدح للأخيار تظهر دلايله

نفخر ببو ناصر ويزيد فخرنا === الي كل شاعر جا يعدد جمايله

الشيخ ابن جدوع جوده يسرنا === وعلى كثير الناس عمت فضايله

كل شهد له منبت الجود والوفا === والحر من مجناه وافعال اوايله

من لابةٍ وافين لي جا مجالهم === ونعم ببو ناصر وجملة حمايله

حسب ونسب مع الكرم والشهامة === زبن الضعيف اللي توانت رحايله

من جود راشد فاز بالمجد والثنا === وكل الشرف والعز والجود طايله

أبو فهد كم واحد نال طولته === وكم عاجز فرج همومه بنايله

قضى له الحاجه وسدد مطالبه === وحجج ضعوف اهل البلد من سبايله

مواتر في كل عام محمله === بالزاد والعازات كمل حفايله

والمسجد الجامع قديم المباني === ومر به مسلح وما صرف شايله

متبرعٍ له من حلاله ولا حسب === ماكان يصرف ما يدور بدايله

مع كل مشروع مفيد للبلد === تحت الدراسة مقبلات حصايله

ويكرم الجيران والضيف لي لفا === يذبح سمان الضان ويترك هزايله

بابه نهار وليل دايم مشرع === له مجلس منصا لدق وجلايله

الشيخ ابن جدوع نور بلادنا=== والكهربا تشعق بعالي طلايله

هذي من افعاله وهذي عوايده === ان كان له حاسد مرده فشايله

وصلاة ربي عد ما زعزع الهوا === على النبي اللي صدق في رسايله