بناءاً على طلب الزوار: قريباً قسم الصوتيات والمزيد من الغزليات

 منتديات الحريق  |  بوابة الحريق

أون ونة من كلته السنايف === من حرما يونس تمكن صوابه

رقيت في عالي طويل ونايف === من ضيقةٍ في الصدر شبت لهابه

انظم بيوت من هجوسي نظايف === من ظامر ماجت به الورق جابه

يا الله ما غيرك راجي وخايف === إرحم ضعيف يوم حل البلابه

الشوف ضعف وباقى الجسم هايف === هذي تدابير الولي في كتابه

ازريت من كثر العنا والمصارف === ولا بقى دكتور ماجيت بابه

يقول رح ترجع سنه ما يخالف === نشوف وضع الكرت واللي جرى به

ننظر علاجك عندنا في الصحايف === بكره نغير لك ملف الكتابة

إترك جميع العذل هو والحسايف === لمعالج الدكتور ما شفت ثابه

إطلب من اللي في دجا الليل شايف === يبريك مما فيك منشى سحابه

رؤوف رحمان وللعبد رايف === اعرف ترى مولاك ما صك بابه

انفقت من جيبي اولوف الايف === ما همنى كثرة وعدة حسابه

اخاف من كثر العذل والحسابف === ومن قولة يا زيد مافيك ثابه

قدلي ثلاث سنين وانا مسايف === الزاد نقصته ولا اكمل شرابه

حسبي علىمن صابني بالرهايف === جعله بوسط النار يلقى عذابه

وابذكر الله عد ما طاف طايف === واعداد ما هل المطر من سحابه